3) Equos OELANDIAE vulgo notissimos

3) Equos OELANDIAE vulgo notissimos insignis alacritas, robur, velocitas & naevorum immunitas commendant. Quamvis enim institutum illud, quo ad persiciendam prolem ab exteris oris adquisite magnae staturae equi emissarii adhibebantur, postmodum cessaret, remanent tamen ex illa stirpe egregii equi, qui magnum possessoribus eos vendentibus praebent lucrum, quum tam a remotioribus, quam vicinis cupidissime quaerantur. Periculum est, ne pascuorum defectus & foeni penuria efficiat, ut generosa haec propago aut intereat penitus, aut certe degeneret. Alterum genus constituunt maximi eorum, qui hic sunt, Equorum Oelandicorum. Tum intermedium aliquod equorum genus, qui maxime a pauperibus Smolandiae rusticus emuntur: & denique equi, ut dicuntur, Regii, quo minores, eo rariores. Conveniunt autem omnes in eo, ut laborum sint patientissimi, & velocitate mira conspicui.

Cum tribus ultimis generibus eo lucrosius OELANDI exercere possunt commercium, quod illis alendis non mulram facere necessum habeant impensam; plurimi enim, ram praediorum quam tuguriolorum habitatores, semper habent aliquos nondum jugo submissos, qui semper, non minus per aestivum quam hiemale tempus liberi errant, vitamque ipsi propria tolerant industria. Campestris regio est, nec major nivis brumalis est altitudo, quam ut illam calcirrando submovere valeant; sin in virgulta inciderint, ramos & surculos comedunt; verum si vehementior saevierit brumae rigor, voluptati ducunt rusticorum